noktat3

12 مايو 2016 
http://i.imgur.com/cpUajHw.jpg


اتنين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره محشش سال صحـ.ــبه المحشش : إيه اخبار أبوك ؟؟ بعدين إفتكر ان أبوه ميت فكمل بسرعة: لسا في نفس الطربة ؟محشش سأل محشش: في رأيك عـ.ـيـ.ـد الفطر هيوافق يوم الخميس. فرد عليه: إذا ضغطنا عليه أكيد يوافق.


  • * واحد الماني اخترع جهاز قياس الكذب فحب يجرب الجهاز فجاب واحد ياباني وواحد انجليزي وواحد امريكي وواحد من بلديتنا فقعد اول واحد الياباني وقال انا بفكر اعمل مكتبه بتطير فزمر الجهاز فطلعوه بره كداب وقعدوا الانجليزي فقال انا بفكر اعمل جزمه بها محمول فزمر الجهاز كداب فقعدوا الامريكي فقال انا بفكر اعمل جذمه بتمشي لوحدها فزمر الجهاز كداب فقعدواا بلديتنا فقال انا…. بفكر ….. فزمر الجهاز كداااااااااب .
  • * اليسا وهيفاء وهبي ونانسي عجرم راكبين قطر وبيكلموا عن فارس أحلامهم إليسا قالت : نفسي أتجوز ضابط هيفا قالت : نفسي أتجوز صيني نانسي قالت : نفسي أتجوز لاعب كرة مشهور سمعهم واحد متطفل دخل عليهم وقالهم معاكوا العقيد شونج يونج الشهير بـ أبو تريكة .
  • * مره واحد بلديتنا لقى حرامي فى بيته فالحرامى خد التلفزيون وطلع يجري قام بلديتنا جري وراه عشان يديله الريموت .
  • * واحد صعيدي رايح البنك وواخد حبل معاه فواحد بلدياته قاله هتعمل ايه يامجنون قالوا هاسحب الرصيد  .
  • * واحد حب يتعلم الطيران اشترى كتاب كيف تكون طيارا فراح خطف طيارة وقام يطبق الخطوات فى الجو فى اخر صفحه مكتوب للهبوط انتظر الطبعة القادمة
  • * دكتور عايز يكشف على ثلاثة مجانين اخذهم على حمام سباحة مفيهوش مية وقال لهم اسبحوا وراحوا دخلوا حمام السباحة الا واحد قال الدكتور اكيد ده عاقل و سأله ليه مش بتعوم معاهم قال لا انا المنقذ .
  • * واحد رفع قضية وقعت عليه .
  • * دكتور عيون محشش شاف اشارة المرور حمراء نزل يحطلها لها قطره .
  • * في سـمكـتـيـن طاحتا في شبكة صياد قالت وحدة للثانية رحنا تونا .
  • * واحد حلاق اشتري بطيخة طلعت قرعة

  • · شوهد 482 مرة · 0 تعليق

    noktat2

    12 مايو 2016 
    http://i.imgur.com/FRWgPox.jpg




    واحد محشش كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟



    واحد مسطول اشتغل سواق تاكسي، شاورتله واحده، وقف وسألها “رايحه فين؟” قالتله “المهندسين” قالها “روحي بس ما تتأخريش”


    مسطول ماشى لقى واحدة ست بتتحرق قالها منورة يا حجة


  • * سواق تاكسى متزوج اتنين ليه ؟ التانية احتياط .
  • * مرة واحد جاب كوتش عربيه فلقاه نايم صعب عليه يصحييه .
  • * رقاصة راحت لدكتور معدة قالها عندك فرح فى المعدة .
  • * مرة واحد جزمجى مات بالجزمه القلبيه وعملولو نعل فى الجرنال راحو يعملولو الاربعين طلع ضيق عليه عملولو واحد واربعين .
  • * لاعب كرة قدم اتزوج لاعبة كرة قدم جابوا طفل سموه جول راحوا يسجلوه طلع تسلل .
  • * مرة واحد حرامى سرق كرسى من القهوة وطلع يجرى صاحب القهوة شافه طلع يجرى وراه الحرامى اتزنق فقعد فى نص الشارع وقال للقهوجى هاتلى واحد شاااااااي .
  • * اتنين صعايدة بيلعبو شطرنج الملك مات مشلول .
  • * واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد .
  • * واحد عرف ان الجلد موضة مشي عريان .
  • * مرة واحد حلاق محدش بيدخلوه اشترى بطيخة لقاها قرعة قال لها حتى انتي بتحلقى بره…..
  • * مره دكتور ومحامي وصيدلي قاعدين في مركب الدكتور سال المركبي قاله تعرف حاجه عن الطب قاله لا قاله فاتك نص عمرك المحامي ساله قاله تعرف حاجه عن المحاماه قاله لا قاله فاتك نص عمرك الصيدلي قاله تعرف حاجه عن الصيدله قاله لا قاله فاتك نص عمرك ……المركب اتقلبت المركبي سالهم تعرفوا حاجه عن السباحه قالو لا قالهم فاتكم عمركم كله……..
  • * حد سائق عربية شاف يافطة مكتوب عليها خفف(100كيلو) فخفف100كيلو ولقى يافطة ثانية مكتوب عليها خفف 50 كيلو وراح مخفف 50 كيلو و لقى يافطة مكتوب عليها (اهلا بكم فى مدينة خفف) .

  • · شوهد 538 مرة · 0 تعليق

    noktat1

    12 مايو 2016 
    http://i.imgur.com/tJTlbwd.jpg



    محشش حـ.ــب يولع فى مراته ولع فى نفسه و حضنها

    محشش ركب دماغه عمل حادثه

    محشش نزل في محطة الرمل رجلة غرزت

  • * مرة دكتور تحاليل أمه ماتت قال : تحاليلى يا أمه .
  • * مرة فار فشار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار ، راح الفار رفس الاسد برجله وهو بيقول انا لما اتعصب ما برحمش .
  • * واد كسلان جدا شغال في ورشة كل اما المعلم يقول له هات مفك ، يقول له كمان شويه .. بكره .. مش وقته. ، وفى يوم لمبة الورشة اتحرقت ، المعلم قاله ركب اللمبه قال له دي حاجة سهلة قوي، وشاله المعلم على كتفه واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟ قال له اللمبه قلاووز وانت اللى مبتلفش يا معلم .
  • * مرة ثلاثة فشارين راحوا الجبل واحد اعمى و واحد اطرش وواحد اقرع الاعمى قال انا شايف النملة التى فوق الجبل و الاطرش قال انا سامع دبتها والاقرع قال أنا شعرى  وقف من كتر الكدب .
  • * مره اثنين بيفشورو علي بعض الاول بيقول الي الثاني تتصور ماما جابتلنا حله وسعها 10 فدان الثاني قوله ايه يعني انا ماما جابتلنا باميه طولها متر الاول قام قاله بتطبخوها فين دي قله في حله امك .
  • * مرة اتنين أغبيا عندهم حصانين .. فكانوا عايزين يعلموهم علشان ما يتلغبطوش بينهم .. الاول قطع ودن حصانه وراح قال للتاني، فالتاني قاله الله يخرب بيتك انا بردك عملت كده .. فالاول راح فقع عين حصانه ، و راح قال للتاني, فالتاني قاله الله يخرب بيتك انا بردك عملت كده .. فالاول قاله انت هتصدعنى في دماغي .. خدت انت الحصان الاسود وانا الحصان البيض .
  • * اتنين حشاشين قاعدين مسطولين فيهم واحد فشار قال لتانى تصدق عارف مين الكان قاعد معايه امبارح قاله مين أبو لهب و أبو جهل فقاله ياراجل دول ماتوا من  زمان قاله طيب اسئل ابنى احمد قاله يااحمد قاله نعم يا بابا قاله مين الكان قاعد معايا امبارح قله والله  مش فاكر بس العر بيه الكانت واقفه كان مكتوب عليها ملاكى قريش .
  • * واحد منحوس خبطته عربية ومات فروحه طلعت خبطتها طيارة .
  • * اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ .. قاله انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونته . ..قاله ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!
  • * مره واحد فشار قوي بيقول لصاحبه انا كنت ماشى فى الصحره طلع عليا اسد نطيت في البحر،صاحبه قاله بحر ايه بس اللي فى الصحرا، قال لا انا قلت لقيت ابو الهول اتشعلقت فى رقبته، صاحبه قاله وايه اللي جاب ابو الهول في الصحرا، فقال وانا ماشي فى الصحرا طلع عليا اسد أكلنى.. ارتحت .

  • · شوهد 535 مرة · 0 تعليق

    noktat

    12 مايو 2016 
    http://i.imgur.com/KXxWCS0.jpg




    مرة واحد محشش مات نزل عليه 62 ملاك 2 بيحاسبوه و60 بيفهموه انه مات

    محشش بيلعب كورة اخد الكورة على صدرة طلعها من مناخيرة

    واحد محشش حـ.ــب يطور الهليكوبتر فك المروحة وركب تكييف

  • * مرة إتنين مساطيل واحد بيقول التانى هما القدماء المصرين بنوا الهرم فى اد ايه .. قاله 50 سنة قاله ياه ليه ؟ قاله اصل كل ما يرصوا حجرين الحكومة تكبس عليهم
  • * واحد ال للدكتور والنبى انا عايز اتعالج عندك قاله خير يا ابنى قاله كل مبكلم اى حد فى اى موضوع بنسى الكلام الى انا قلته قاله هى الحالة دية بتجيلك كل اد اية قال له حالة ايه.
  • * صرصار في العنايه المركزه بيسال صرصار جمبه بيقولو بيرسول ..؟ قالو لا فردة شبشب .
  • * الراديو:والاعب بيشوط بمشط رجله ياه بتيجى في المقص صبي الحلاق:إلحق يا معلم بيلعبوا في العدة.
  • * الجزء الثاني من نكت مضحكة مصرية والبقية تأتي.
  • * واحد غبى حط إيده في جردل فيه مية نار فحس ان صباع من اصابعه ناقصة .. فحط رأسه في الجردل عشان يدور عليه .
  • * دكتور اسنان كان مصاحب شله وخلع منها .
  • * اتنين زهقوا من التأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة ليه ؟ قال له أصلهم هنا بيعبدوا البقر.
  • * واحد حانوتي ربنا فتحها عليه و فتح محل فكهاني .. كل يوم في المحل يقعد ينادي : المووووووز علينا حق !!!
  • * واحد غبى حط إيده في جردل فيه مية نار فحس ان صباع من اصابعه ناقصة .. فحط رأسه في الجردل عشان يدور عليه .

  • · شوهد 512 مرة · 0 تعليق

    jokes9

    12 مايو 2016 
    http://i.imgur.com/l1a0MWu.jpg



    سألوا واحد محشش : مين أهم الشمس ولا القمر رد: القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ


    في حشاش نط من فوق سـ.ـور المدرسه علشان عايز يدرس في الخارج

  • * واحد سباك راح للدكتور (يكشف):الدكتور ال مراته الحوض مكسور ال له مش المهم الحنفيه شغاله .
  • * واحد بيسأل الحلاق ايه الراس الوحيده الي ما حلقتش للها قاله راس السنه .
  • * مره حرامى سرق فرخه وراح يكله على شط النيل فشافه عسكري وقل له مسكتك ياحرامى الفراخ ، والريش جنبك اهو … فقال له الحرامي لا ياشاويش دي نزلت تستحمى وقالت لى خلي باللك من هدومي .
  • * مرة اتنين في كلية هندسة عايزين يبقوا مهندسين واحد راح المهندسين والتاني مدينة نصر .
  • * مساطيل قاعدين بيصيدوا جراد، عدّت من فوقيهم هليكوبتر .. واحد منهم قال جت أمهم .. استخبوا استخبوا .
  • الزوجه لزوجها : ياريتنى جريدة عشان اكون فى ايدك كل يوم الزوج: ياريتك نتيجة اغيرها كل سنة .
  • * مرة ظابط اتجوز مدرسة خلفوا سلاح التلميذ .
  • * واحد حب يوصل بلده بسرعة ركب القطر وقعد يجرى فيه ,
  • * مرة  واحد بلديتنا نزل في محطة الرمل رجله  غرزت .

  • · شوهد 555 مرة · 0 تعليق

    الصفحة السابقة  1, 2, 3, 4, 5 ... 11, 12, 13  الصفحة التالية

    يومية

    يونيو 2017
    الإثنينالثلاثاءالأربعاءالخميسالجمعةالسبتالأحد
     << < > >>
       1234
    567891011
    12131415161718
    19202122232425
    2627282930  

    إعلان

    المتصلون الآن؟

    عضو: 0
    زائر: 1

    rss رخصة النشر (Syndication)

    صندوق الحفظ